चालू घडामोडी आणि दिनविशेष - १८ ऑक्टोबर २०१९

• आगामी २०२३ पुरुष हॉकी विश्वचषकासाच्या यजमानपदासाठी भारतही आता शर्यतीत उतरला आहे.

• जानेवारी १३ ते १९ दरम्यान हॉकी विश्वचषकाचं आयोजन करण्यात आलं आहे, यासाठी हॉकी इंडियाने आपली दावेदारी सादर केली आहे.

• याआधी ३ वेळा भारताने हॉकी विश्वचषकाचं यजमानपद भूषवलं आहे.

• भारताव्यतिरीक्त बेल्जियम आणि मलेशिया हे दोन देशही यजमानपदाच्या शर्यतीत आहेत.

• बॉलिवूडचे महानायक अमिताभ बच्चन गेल्या तीन दिवसांपासून रूग्णालयात दाखल असल्याची माहिती समोर आली आहे.

• यकृताच्या त्रासामुळे त्यांना रूग्णालयात दाखल करण्यात आल्याचं म्हटलं जात आहे.

• आपलं यकृत केवळ २५ टक्केच कार्यरत असल्याचं अमिताभ बच्चन यांनी यापूर्वी सांगितलं होतं.

• ऑस्लो : अमेरिकेचे नागरिक असलेले भारतीय वंशाचे अर्थतज्ज्ञ प्रा. अभिजित विनायक बॅनर्जी, त्यांच्या फ्रेंच पत्नी एश्थर ड्युफ्लो आणि अमेरिकेचे प्रा. मायकेल क्रेमर या तिघांना यंदाचा अर्थशास्त्राचा नोबेल पुरस्कार सोमवारी जाहीर करण्यात आला.

• अर्थशास्त्रातील सैद्धांतिक संशोधनाबद्दल हा सर्वोच्च बहुमान मिळविणारे प्रा. बॅनर्जी हे डॉ. अमर्त्य सेन यांच्यानंतरचे भारतीय वंशाचे दुसरे अर्थतज्ज्ञ आहेत.

• ५८ वर्षांचे प्रा. बॅनर्जी अमेरिकेतील मॅसॅच्युसेट््स इस्टिट्यूट आॅफ टेक्नॉलॉजीमध्ये (एमआयटी) अर्थशास्त्राचे प्राध्यापक आहेत, तर त्यांच्या दुसऱ्या पत्नी असलेल्या डॉ. ड्युफ्लो त्याच संस्थेत दारिद्र्य निर्मूलन व विकास अर्थशास्त्र या विषयाच्या प्राध्यापक आहेत.

• प्रा. क्रेमर अमेरिकेतील हार्वर्ड विद्यापीठात ‘विकसनशील समाज’ या विषयाचे प्राध्यापक आहेत. अवघ्या ४७ वर्षांच्या असलेल्या प्रा. ड्युफ्लो या अर्थशास्त्राचील नोबेलच्या सर्वात तरुण मानकरी अणि हा पुरस्कार मिळविणाºया दुसºया महिला आहेत.

• रिझर्व्ह बँकेने दोन हजार रुपयांच्या नोटांची छपाई थांबवल्याचे स्पष्ट झाले आहे.

• रिझर्व्ह बँकेने चालू आर्थिक वर्षात आतापर्यंत दोन हजार रुपयांची एकही नोट छापलेली नाही.

• माहितीच्या अधिकारांतर्गत विचारण्यात आलेल्या एका प्रश्नाला रिझर्व्ह बँकेने दिलेल्या उत्तरातून ही बाबत उघड झाली.

• विशाखापट्टणम - जीएसटी गुप्तचर महासंचालनालयाच्या (डीजीजीआय) अधिकाऱ्यांनी ४५० कोटी रुपयांच्या घोटाळा प्रकरणात एका कंपनीच्या व्यवस्थापकीय संचालकाला (एमडी) अटक केली आहे. ही कारवाई बुधवारी करण्यात आली.

• डीजीजीआयच्या एका अधिकाऱ्याने सांगितले की, पायाभूत क्षेत्रातील प्रकल्प आणि सरकारी कंत्राटदारांशी संबंधित या कंपनीने सेवा न देताच खोटी देयके जारी केली.

• विशाखापट्टणम भागात अलीकडच्या काळात समोर आलेल्या जीएसटी घोटाळ्याच्या प्रकरणांत हा घोटाळा सर्वात मोठा असल्याचे म्हटले जात आहे.

• मुंबई : आर्थिक गुन्हे विभागाने बुधवारी पंजाब अ‍ॅण्ड महाराष्ट्र को-ऑपरेटीव्ह बँकेचे (पीएमसी) माजी संचालक सुरजितसिंह अरोरा यांना अटक केली.

• कर्ज प्रस्तावाला मंजुरी देणाऱ्या समितीत अरोरा यांचा समावेश होता. बँक कर्ज घोटाळ्यातील ही पाचवी अटक आहे.

• संशयाच्या भोवऱ्यात असलेल्या अन्य संचालकांना देश सोडणे शक्य होऊ नये, या उद्देशाने ‘लूक आऊट’ नोटीस जारी केल्याचे आर्थिक गुन्हे विभागाकडून सांगण्यात आले.

जागतिक दिवस 

• अलास्का दिन - अमेरिका

जन्म /वाढदिवस

• न्यायाधीश, कायदेपंडित, लेखक भारताचार्य’ चिंतामणराव वैद्य यांचा जन्म : १८ ऑक्टोबर १८६१

• इस्लामिक रिसर्च फाउंडेशन (आयआरएफ) चे संस्थापक आणि अध्यक्ष झाकीर नाईक यांचा जन्म : १८ ऑक्टोबर १९६५

• भारतीय लेखक अमिश त्रिपाठी यांचा जन्म : १८ ऑक्टोबर १९७४

मृत्यू/पुण्यतिथी/स्मृतीदिन

• पहिल्या यांत्रिकी संगणकाचे जनक चार्ल्स बॅबेज यांचे निधन : १८ ऑक्टोबर १८७१

• पहिल्या स्त्री नाटककार, गायिका, संगीतकार हिराबाई पेडणेकर यांचे निधन : १८ ऑक्टोबर १९५१

• भारतीय कवी आणि लेखक विश्वनाथ सत्यनारायण यांचे निधन : १८ ऑक्टोबर १९७६

ठळक घटन

• टेक्सास इन्स्ट्रूमेंट्सने पहिल्या ट्रान्झिस्टर रेडिओची घोषणा केली : १८ ऑक्टोबर १९५४

• राम गणेश गडकरी लिखित संगीत भावबंधन या नाटकाचा पहिला प्रयोग दीनानाथ मंगेशकरांच्या बळवंत संगीत नाटक मंडळी ने केला : १८ ऑक्टोबर १९१९

• कसोटी व एकदिवसीय क्रिकेट सामन्यात वीस हजार धावा करणारा सचिन तेंडुलकर पहिला क्रिकेटपटू ठरला : १८ ऑक्टोबर २००२