वॉशिंग्टन - अमेरिकेचे राष्ट्राध्यक्ष डोनाल्ड ट्रम्प यांनी निक्की हेली, सीमा वर्मा यांच्यासहीत प्रशासनातील वरिष्ठ भारतीय अमेरिकी सदस्य तसेच नेतेमंडळी, अधिका-यांसोबत ओव्हल कार्यालयात दिवाळी साजरी केली.
सर्वांमध्ये सहभागी होत ट्रम्प यांची मुलगी इवांकानंही दिवाळी साजरी केली. हेली या संयुक्त राष्ट्रातील अमेरिकेच्या राजदूत आहेत.
याशिवाय, यूएस फेडरल कम्युनिकेशन्स कमिशनचे अध्यक्ष अजित पै यांच्यासहीत अनेक दिग्गज यावेळी दिवाळी साजरी केली.
वॉशिंग्टन - उद्योगपती लक्ष्मी मित्तल यांनी हार्वर्ड विद्यापीठाला अडीच कोटी डॉलरची देणगी दिली आहे. विद्यापीठातील "साउथ एशिया इन्स्टिट्यूट'साठी या देणगीचा वापर करण्यात येणार आहे.
या इन्स्टिट्यूटचे नामकरण आता "लक्ष्मी मित्तल साउथ एशिया इन्स्टिट्यूट' असे करण्यात आले आहे.
या संस्थेची स्थापना 2003 मध्ये झाली. ही संस्था 2010 मध्ये आंतरविद्याशाखीय बनली. या संस्थेत दक्षिण आशियातील भारत, अफगाणिस्तान, बांगलादेश, भूतान, मालदीव, म्यानमार, नेपाळ, पाकिस्तान आणि श्रीलंका या देशांशी निगडित संशोधन होते.
या संस्थेचे संचालक भारतीय वंशाचे तरुण खन्ना आहेत. मित्तल यांच्या देणगीमुळे दक्षिण आशियाशी विद्यापीठ अधिक जोडले जाणार असून, दक्षिण आशियाशी निगडित संशोधनाला वाव मिळणार आहे.
दिनविशेष :
जन्म /वाढदिवस
तार्यांचे आयुर्मान व त्यांचा शेवट यावरील संशोधनासाठी १९८३ मधे नोबेल पारितोषिक मिळालेले भारतीय- अमेरिकन खगोल वैज्ञानिक सुब्रमण्यन चंद्रशेखर यांचा जन्म : १९ ऑक्टोबर १९१०
वनस्पतीशास्त्रज्ञ व देवराई अभ्यासक डॉ. वामन दत्तात्रय तथा वा. द. वर्तक यांचा जन्म : १९ ऑक्टोबर १९२५
अभिनेते अजय सिंग देओल ऊर्फ सनी देओल यांचा जन्म : १९ ऑक्टोबर १९६१
मृत्यू/पुण्यतिथी/स्मृतीदिन
विश्वनाथ कार, उडिया लेखक व समाजसुधारक. १८९६ मध्ये त्यांनी एक छापखाना काढून उत्कल साहित्य नावाचे नियतकालिक काढले : १९ ऑक्टोबर १९३४
नोबेल पारितोषिक विजेते ब्रिटिश भौतिकशास्त्रज्ञ अर्नेस्ट रुदरफोर्ड यांचे निधन : १९ ऑक्टोबर १९३७
पुणे विद्यार्थी गृहाचे एक संस्थापक विष्णू गंगाधर तथा दादासाहेब केतकर यांचे निधन : १९ ऑक्टोबर १९५०
ठळक घटना
पुण्याजवळील महारेडिओ दुर्बिण (GMRT) प्रकल्पाचे जनक आणि शास्त्रज्ञ प्रा. गोविंद स्वरुप यांना सर सी. व्ही. रामन पदक जाहीर : १९ ऑक्टोबर १९९३
पार्श्वगायिका आशा भोसले यांना राज्यशासनाचा गानसम्राज्ञी लता मंगेशकर पुरस्कार प्रदान : १९ ऑक्टोबर २०००
© Maha NMK™ | Copyright 2015 - 2023 All Rights Reserved.
Made with ❤ in India.